Lechyd a Llesiant

  • Yng Nghyngor Caerdydd, lles ein pobl sy'n dod yn gyntaf. Rydym wedi ymrwymo i feithrin gweithle lle mae cyflogeion yn teimlo eu bod yn cael eu cefnogi, eu gwerthfawrogi a'u grymuso i ofalu am eu hiechyd corfforol a meddyliol. Mae ein cynnig iechyd a lles cynhwysfawr yn cynnwys ystod eang o wasanaethau sydd wedi'u dylunio i'ch cefnogi trwy bob cam o fywyd a gwaith.

  • Iechyd Galwedigaethol


    Mae ein tîm lechyd Galwedigaethol mewnol yn cynnwys arbenigwyr meddygol, ffisiotherapi a seicolegol sy'n ymroddedig i'ch helpu i gadw'n iach ac yn ddiogel yn y gwaith, Mae'n rhoi cyngor a chymorth arbenigol ar ffitrwydd i weithio, cyflyrau irchyd hirdymor, ac addasiadau yn y gweithle, gan eich helpu i ffynnu yn eich rôl wrth gyflawni ein rhwymedigaethau iechyd a diogelwch.

  • Cymorth Lechyd Meddwl Arbenigol


    Rhdym yn cynnig mynediad cyfrinachol am ddim i wasanaethau cymorth emosiynol ac iechyd meddwl gan gynnwys ein tîm cwnsela mewnol sydd wedi'i achredu gan Gymdeithas Cwnsela a Seicotherapi Prydain, a gwasanaeth cymorth Canopi ar gyer staff gofal cymdeithasol ac iechyd. Mae'r gwasanethau yn amrywio o hunangymorth dan arweiniad i therapi rhithwir neu wyneb yn wyneb gyda gweithwyr proffesiynol achrededig.

  • Cymorth i staff Addysg


    Mae ein Gwasanaeth Cymorth Addysg yn cynnig amrywiaeth o wasanaethau lles i gyflogeion addysg gan gynnwys cwnsela am ddim, adnoddau ymwybyddiaeth ofalgar, hyfforddi i reolwyr, a chymorth cyfreithiol neu ariannol - oherwydd mae pawb yn haeddu teimlo eu bod yn cael eu cefnogi, waeth beth fo'u rôl.

  • Buddion Lles


    Rydym yn annog ffyrdd iach o fyw trwy fuddion ymarferol fel profion llygaid am ddim i ddefnyddwyr sgrin arddangos, aelodaeth ostyngol yng nghanolfannau hamdden Trem y Môr a Better Caerdydd, a chyfranogiad yn y cynllun Beicio i'r Gwaith. 

  • Rhaglen Cymorth Cyflogeion 24/7


    Trwy ein partneriaeth â Vivup, mae gan bob cyflogai fynediad at linell gymorth gyfrinachol 24/7, wedi'i staffio gan gwnselwyr cymwys. Boed yn her bersonol neu'n bryder sy'n gysylltiedig â'r gwaith, gallwch gael yr help sydd ei angen arnoch drwy godi'r ffôn. Mae'r gwasanaeth hefyd yn cynnig arweiniad arbenigol ar berthnasau, profedigaeth, materion cyfreithiol ac ariannol, bwyta'n iach, a ffitrwydd - ynghyd â llyfrgell o adnoddau ar - lein.

  • Hyrwddo lechyd Meddwl a Chynhwysiant


    Rydym wedi ymrwymo i feithrin diwylliant sy'n blaenoriaethu iechyd meddwl. Mae ein polisïau'n canolbwyntio ar atal, ymyrraeth gynnar, a chynhwysiant - gyda chymorth hyfforddiant lles, gwasanaethau cwnsela, ac adnoddau ar gyfer hunangymorth. Rydym hefyd yn cynnig Cynllun Pasbort Addasiadau Rhesymol i sicrhau cymorth parhaol i gyflogeion â chyflyrau hirdymor neu anableddau.  

  • Rhwydweithiau a Grwpiau Cymorth Cyflogeion


    O gymorth canser a'r menpos i niwrowahaniaeth ac endometriosis, mae ein rhwydweithiau a'n grwpiau cymorth dan arweiniad cyflogeion yn cynnig lle diogel i gysylltu, rhannu profiadau, a dod o hyd i undod.

  • Lles Ariannol


    Mae Mae ein Tîm cyngor Ariannol ymroddedig yma i'ch cefnogi trwy gyfnewidiadau ariannol bywyd. P'un a ydych yn llywio pwysau costau byw, yn rheoli dyled, neu'n edrych i roi hwb i'ch incwm, mae arweiniad arbenigol ar gael pryd bynnag y bydd ei angen arnoch.